Шенеуніктердің кәсіби және жеке қасиеттерін анықтау үшін ғылыми зерттеулер
өткізіледі. Мемлекеттік қызмет істері және сыбайлас жемқорлыққа қарсы іс-қимыл
агенттігінің төрағасы Қайрат Қожамжаров пен Мемлекеттік қызмет саласындағы
Басқарушы Өңірлік хабтың басшысы Әлихан Бәйменов өзара бірлескен шаралар
жоспарына қол қойды.
Аталған құжат мемлекеттік қызмет саласын жаңғыртуды
қамтамасыз етеді. Мамыр айына жоспарланған VIII Астана экономикалық форумының
аясында агенттіктің ықпалдасуымен мемлекеттік қызметте персоналды басқару
мәселесіне арналған Жаһандық мәслихат өтеді.
"Бұл өз кезегінде,
халықаралық сарапшылардың ықпалдастық аймағындағы қызметін жетілдіреді.
Мемлекеттік аппаратты кәсібилендіруге бағытталған модельді дамытудағы
тәжірибемен бөлісуге жол ашады", - деді Қайрат Қожамжаров.
Жұрағат БАМАН