Америка әуе компаниялары елдің орталық батысы мен
солтүстік-шығысына қарай бет алған қарлы боранға байланысты 2 мыңнан астам
рейсті тоқтатты. Мыңнан астам жолаушылар ұшағының ұшуы кейінге қалдырып отыр.
Чикаго әуежайының жұмысы ерекше қиын жағдайда. Метеорологтар:«қатал қыстың құрсауында
100 млн адам, АҚШ-тың үштен бір бөлігі қалады»,- деп отыр. Орталық батыста боран
басталып кетті, ал солтүстік-шығысқа алдағы бірнеше сағатта жетуі мүмкін.
Нью-Йорк, Бостон және Чикагоға қалыңдығы 30 см дейін қар түсуі мүмкін. Елдің
коммуналдық қызметі жұмысқа сақадай сай. Нью-Йоркте басталған боранға
байланысты, қала басшысы азаматтардың алыс жолға шықпауларын сұрады.
Оның
сөзінше, Нью-Йоркте кешке таман ауа температурасы минус 23 градусқа дейін
төмендейді. Ал әзірге сынап бағынасы плюс екіні көрсетіп тұр. Болжам бойынша
АҚШ-тың солтүстік-шығысы бірнеше күн салқын циклонның құрсауында болады.
Азамат
АЛДОҢҒАРОВ