Зимбабве
президенті Роберт Мугабе сөз сөйлеп тұрған мінбер сатысынан құлап қалды. Бұл
туралы «Рейтерс»
агенттігі хабарлады. Оқыс оқиға жергілікті әуежайлардың бірінде президенттің
жақтаушыларымен кездесуінде болған.
Зимбабве лидерінің хал-жағдайы туралы ақпар
әлі жоқ. Белгілі болғандай, Президенттің абайсыз қимылынан кейін оны күзет
қызметкерлері көтеріп, лимузинге отырғызған. Мугабенің «сатыға шалынған» сәтін
бірқатар бұқаралық ақпарат құралдарының фото тілшілері түсіріп үлгерген.
Алайда
президенттің қауіпсіздік қызметі өкілдері суреттерді өшіртіпті. Айта кетейік,
Роберт Мугабенің жасы 90-да. Ол әлемдегі ең қартамыс президент.
Атап өтерлігі,
ол өткен жылдың желтоқсанында елдің «ЗАНУ-ПФ» партиясының жетекшісі болып
тағайындалып, 2018 жылғы президенттік сайлауда өз кандидатурасын ұсыну құқығына
ие болды.
Жұрағат БАМАН