Алдағы наурыз айында «Картадан жасалған үйшік» сериалының 4-маусымы шығады. Сериалда басты кейіпкерді сомдаушы, әрі өнімнің продюсерлерінің бірі Кевин Спейси биылғы Давос экономикалық форумында жұрт дуылдата қол соққан сөз айтты:
Кевин Спейси, Америкалық актер, продюсер:
Дональд Трамп, «ой, простите, Фрэнк Андервуд» - Дональд Трамп, ой кешіріңіздер, Фрэнк Андервуд АҚШ-та жүріп жатқан президенттік сайлау науқанына ырза болушы еді. Кейбір саясаткерлер «Картадан жасалған үйшік» шындыққа жанаспайтынын айтады. Ал кейбіреулер шындыққа жақындаған бірден-бір өнім – дейді. Мен, менің көрермендерімнің ақылдырақ екенін білемін.
Сериал туралы біз біршама уақыт бұрын айтқанбыз – басты сюжет - неше түрлі құйтырқы, жүректі айнытатын әдістермен АҚШ президенті болған Фрэнк Андервуд есімді демократ пен әйелі Клэрдің билік үшін бәріне баратын азғын әрекеттері. Саясат деген не? Саясат - ережелері жиі бұзылатын ойын. Бір сәтте құрып, жоқ болып кетуің де мүмкін. Сериал осылай жауап береді...
Бұл сериалға қызығушылықтың жоғары болатыны, расында, Фрэнк, Клэр Андервудтар немесе Ресей президенті Виктор Петров есімді кейіпкерлер өмірде жоқ болса да, «біреулердің» образын еске түсіретін «сиқыры» бар. Ал кейбір оқиғаның араға уақыт салып, өмірде болуы тіпті таңғалдырады. Екіншіден, биыл Америкада президент сайлауы. Ал сериалдың жаңа маусымында басты кейіпкер де президент сайлауына түседі. Кім жеңеді, не жеңеді, көрермендердің ынтыға түсуі заңдылық...
Сериал болса да, бұлайша өзін өзі өлтіре сынау – үлкен саясаттың жиіркендіретін қырларына үңілу тек соларда мүмкін нәрсе...
«Біздің уақытты» «astanatv.kz» сайтынан көріп, оқи
аласыздар. Келесі сенбіде сағат 20.00-де жүздескенше!