Еуропа қауіпсіздік және ынтымақтастық ұйымының байқаушылары Донецк және Луганск облыстарындағы 10 «қауіпті нүктеге» жіберіледі. Ол аумақтарда ұрысты тоқтату туралы талап орындалмай отыр.
Бұл жөнінде Франция, Украина, Ресей президенттері мен Германия канцлері арасындағы телефон әңгімелесулерінен соң белгілі болды. РИА Новостидің хабарлауынша, тараптар осылайша Киевтің ЕҚЫҰ-ның байқаушыларын орналастыру ұсынысын қолдады.
Аумақтар ахуалы туралы мәліметтер, Норманд төрттігіне кіретін елдердің сыртқы ведомство басқармаларына жеткізіліп тұрады. Саясаткерлер сондай ақ, Донбасқа халықаралық көмек беру жайын да талқылады. Еуропалық одақ, Дания және Ұлыбритания бұл мақсатқа 40 млн доллардай қаржы бөлуге әзір.
Базаргүл ОТЫНШИЕВА