«Барыс» командасы
төртінші кездесуде ұтылды. Бұған дейін қатарынан екі ойында үздік шыққан Андрей
Назаровтың шәкірттері бұл жолы «Авангард» клубына 4-3 есебімен жол берді. Кездесу басынан айдын иелерінің
қақпасына тап берген ресейлік хоккейшілер 2-0 есебімен алға шықты.
Қарымта
шабуылға шыққан «Барыс» командасы Дастин Бойд пен Роман Старченконың көмегімен есепті
теңестірді. Үшінші кезең басталғаны сол еді. Екі бірдей сәтті шабуыл
ұйымдастырған «Авангард» клубы есепті 4-2-ге жеткізді.
Қалған уақытта Андрей Назаровтың
шәкірттері Найджэл Доустың көмегімен есепті қысқартқанымен олардың одан артыққа
шамалары келмеді. Сонымен төрт кездесу қортындысы бойынша жалпы есеп 2-2. Екі
команда арасындағы 5-ші ойын 6-наурызда, Омбыда өтеді.
Самат ҚАНАҒАТОВ