Нұрсұлтан Назарбаевты оралдық
жастар да жеңісімен құттықтады. Студенттер мен жастар қоғамдық ұйымдарының өкілдері
орталық алаңға жиылып, флеш-моб ұйымдастырды. Патриоттық ұрандар тастаған жастар шеңбер құрап, би де биледі.
Айта
кетелік, Батыс Қазақстан облыстық сайлау комиссиясының төрағасы Ғайса Қапақов
мәлімдегендей, кезектен тыс Президент сайлауына өңір тұрғындары асқан
белсенділікпен қатысқан. Облыс бойынша 523 сайлау учаскесі жұмыс істеген. Ал
сайлаушылары түгел келген 53 учаске өз уақытынан ерте жабылды.
Нұрғали Жолдасқалиев, «Жас Отан» ЖҚ
БҚОФ Атқарушы хатшысының міндетін атқарушы:
Жастардың басты мақсаты осы
Елбасымызды айқын жеңісімен құттықтау болып табылады. Бұл жиында әртүрлі
жастардың өкілдері, яғни, жұмысшы жастар, студенттер, әртүрлі ұлттың жастары,
міне, барлығымыз бүгін жиналып отырмыз. Біздердің басты мақсатымыз -
Қазақстанды дамыған 30 елдің қатарына енгізу. Біздің басты мақсат осы!
Еркін
КАРИН