Астана қалалық мәслихатының
депутаты болуға әзірге 27 адам үмітті. Бұл азаматтардан өтініштер Елордадағы 25
сайлау учаскесі бойынша қабылданған. Оның 18-і ерлер болса, 9-ы әйелдер екен.
Бүгін Орталық сайлау комиссиясының кезекті жиынында Астана қалалық сайлау
комиссиясының төрағасы осындай ақпарымен бөлісті.
Жалпы сайлауды ұйымдастыруға
Астана қаласы бойынша 2 мыңнан астам мүшесі бар 307 сайлау комиссиялары
міндеттеме алып отыр. Оның 4-уі аумақтық, 25-сі округтік және 278-і учаскелік
болмақ. 213-і қала аумағында жұмыс істейді. Әзірге 27 кандидаттың үшеуі
тіркеуден өтіп отыр.
Игілік Жалбыров, Астана қалалық
сайлау комиссиясының төрағасы:
Қалалық мәслихат депутаттығынан
үмітті 27 адамның екеуі Қазақстан халықтық коммунистер партиясының өкілдері
болса, өзге 25-і өздерін ұсынып отырған азаматтар. Ал жалпы мәслихат
депутаттығына 25 орын бар. Әзірге ұсынысынан бас тартқандар жоқ.
Сондай-ақ жиын барысында белгілі болғандай, Атырау,
Қарағанды, Қостанай, Павлодар және Оңтүстік Қазақстан облыстары бойынша сайлау
комиссияларының төрағалары жаңадан тағайындалған. Бұл туралы Орталық сайлау
комиссиясының өкілдері мәлімдеді.
Құралай ПИОНЕР