Парламент мәжілісінің сайлауына
қатысатын саяси партиялардың бюллетеньдегі реттік тізімі белгілі болды. Оны
бекіту Орталық сайлау комиссиясының ережесіне сәйкес жеребе тарту арқылы
анықталды. 6 конвертке 1-ден 6-ға дейінгі сан жазылған қағаз салынып, жеребе
тарту кезегі партиялық тізімдердің тіркелу реті бойынша жүрді.
Жеребе қорытындысы бойынша
бюллетеньге бірінші болып «Нұр Отан» партиясы, «Қазақстан коммунистік халық
партиясы» екінші, «Ақ жол» партиясының реттік саны - үш, «Бірлік» партиясы
төртінші, «Жалпыұлттық социал-демократтар» бесінші және «Ауыл
халықтық-демократиялық патриоттық партиясы» алтыншы болып жазылмақ.
Еске
салайық, партиялық тізімдер бойынша парламенттік және жергілікті мәслихаттар
сайлауы 20 наурыз, ал Қазақстан халқы Ассамблеясы тізімі бойынша мәжіліс
депутаттарын таңдау 21 наурыз күні өтеді.
Азамат АЛДОҢҒАРОВ