Теннистен «Ролан Гаррос» турнирі жалғасуда. Бүгін жарыс алаңына үш бірдей
қазақстандық спортшы шығады. Жекелей сында Зарина Дияс Германия теннисшісі Дина
Пфинцермайермен күш сынасып, екі сетте жеңді. Дияс енді Париж турнирінің екінші
айналымында. Ал Андрей Голубев пен Михаил Кукушкин бүгін жұптық жарысты бақ сынап
көреді. Спорт тақырыбын Самат Қанағатов тарқатады.
Голландия чемпионатында Еуропа лигасының жолдамасы үшін талас жалғасуда. Бұл
сында «Фейенорд» клубымен бәсеке түскен «Херенвен» командасы екі кездесу
қорытындысы бойынша 3-2 есебімен үздік шықты. Өз алаңында 1-0 есебімен басым
түскен Дуайт Лодуэджестің шәкірттері қарымта ойында 2-2 есебімен тең түсті. Бұл
ойындағы алғашқы голды алаң иелері бірінші таймның аяғына таман соқты.
Әріптесінің пасынан кейін алыстан мықты соққы жұмсаған Анасс Ашабар командасын
алға шығарды.
Үзілістен екі команда футболшылары қанша тырысқанымен, бір бірінің қақпасына
доп соға алмады. Негізгі уақытта жеңімпаз анықталмағандықтан, экстра тайм тағайындалды.
Бұл аралықты жоғары деңгейде өткізген «Херенвен» футболшылары «Фейенорд» клубының қақпасына қатарынан екі доп соқты. Бұл сәттерде мергендігімен танылған Марк Ют
дубльдің авторы атанды.
Қалған уақытта алаң иелері Казим Ричардстың көмегімен таразы басын
теңестіргенімен, олардың одан артыққа шамалары келмелді. Екі кездесу қорытындысы бойынша қонақтар келесі кезеңге шықты. Енді финалда «Херенвен» және «Витесс»
командалары Еуропа лигасына берілетін жалғыз жолдаманы сарапқа салады.
Самат ҚАНАҒАТОВ