Саяси науқан күні Ақтөбе
облысында 526 сайлау учаскесі жұмыс істейді. Ал олардың материалдық-техникалық
базасы дайын. Бұл туралы облыстық сайлау комиссиясы, саяси партиялар, қоғамдық
бірлестіктер, депутаттыққа үміткерлер мен сайлау комиссиясы хатшыларының басын
қосқан семинар-кеңесте айтылды. Үгіт-насихат жұмыстарының басталуына санаулы күн
қалды. Сондықтан жиында олардың
жүргізілу ережелері пысықталды.
Гүлнәр Қонбаева, Ақтөбе
облыстық сайлау комиссиясының төрайымы:
Бүгін біз үгіт-насихат
жұмыстарын жүргізу, бұқаралық ақпарат құралдарымен жұмыс жасау тәртібін сөз
еттік. Барлық деңгейдегі депутаттыққа үміткерлер мен саяси партиялардың
іс-әрекеттерін нақтылап алдық. Жергілікті құзырлы орган өкілдерінің атқарған
жұмыстары пысықталды. Сайлаушыларға барлық жағдай жасалуы тиіс екені
ескертілді.
Мансұр ЕСХОЖИН