Батыс Қазақстан облысында Мәжіліс пен барлық деңгейдегі мәслихаттар сайлауына дайындық қызу жүргізілуде. Облыстық сайлау комиссиясының
дерегінше, 734 сайлау учаскесі бар, жуырда қосымша 21 учаске ашылған. 430 мың
адамға қызмет көрсетіледі, - деді комиссия төрағасы Ғайса Қапақов.
Бүгінге
дейін 373 адам үміткер ретінде
тіркелген. Олардың 283-і өзін өзі ұсынған. Депутаттыққа кандидат ретінде тіркелген
89 үміткердің 86-сы «Нұр Отан» партиясы, екеуі - «Ауыл», тағы біреуі «Ақ жол»
партиясының өкілі. Жасы 25-ке толмаған 36 азамат сайлауда бағын сынап көруге
бекінсе, қыз-келіншектердің үлесі 30 пайызға жеткен. Төрағаның айтуынша,
үміткерлер қоғамның әр саласында еңбек етіп жүрген адамдар.
Ғайса Қапақов, БҚО сайлау
комиссиясының төрағасы:
Батыс Қазақстан облысы әрқашан
да өзінің электоралдық белсенділігімен көрініп келеді. Кандидаттардың ішінде
БҚО-да тұратын сегіз түрлі ұлттың өкілі бар. Кешегі президент сайлауында
халықтың 97 пайызы қатысты. Биыл да сол мөлшердегі адам қатысады деген ойымыз
бар.
Еркін КАРИН