Еуропалық
Одақ Жерорта теңізі арқылы Италия мен Грекияға өткен 60 мыңнан астам мигрантты
2 жыл ішінде қауымдастықтың өзге мемлекеттеріне көшірмек. Бұл туралы бүгін
Еуропалық кеңестің төрағасы Дональд Туск
Брюсселде өтіп жатқан Еуроодақ
саммитінің алғашқы күн қорытындысы бойынша мәлімдеді. Дегенмен үйлестіру
жұмыстары қалай өтетіні әлі белгіссіз. Шілде соңына таяу бұл сұрақтың басы ашылады деді Туск. Жалпы Еуропаның
оңтүстік мемлекеттерінде жағдай күрделі. Тек Италияның өзіне күн сайын теңізбен
500-дей адам келеді. Айта кеткен жөн, Еуропа аспақ болғандардың көбі Жерорта
теңізінде ажал да құшып жатады. Осыған орай, Еуропалық одақ ағылған
мигранттарға шектеу қою үшін, Жерорта теңізінде әскери-теңіз операциясын
жүргізуге бекінді.
Ләйлә
ҚАЗИАҚПАРОВА