Астана
күні қарсаңында түрлі мерекелік шаралар жалғасуды. Солардың бірі Елордадағы
Қажымұқан Мұңайтпасов атындағы орталық стадионда өтті. Бұл жолы Қазақстан және
Ресей эстрада жұздыздарының қатысуымен футболдан жолдастық матч өтті. Мерекелік
көңіл-күйге қарамастан екі команданың спортшылары бір-біріне дес бермеді.
Алма-кезек шабуылға шыққан командалар есеп ашу үшін аянып қалмады. Дегенмен екі
тайм барысында шеберлігімен көзге түскен қақпашылар-шабуылшылардың ойлағанын
іске асырмады. Негізгі уақытта есеп ашылмағандықтан командалар пенальти
сериясында мықтыны анықтады. Бұл лотореяда қазақстандықтардың жолы болды,
әншілерден жасақталған «Алатау» командасының бұл екінші жетістігі. Бұған дейін
Алматыда өткен кездесуде отандастарымыз-ресейлік «Старко» клубынан 3-1 есебімен
басым түскен еді. Ойын аяқталғаннан кейін стадионға келген көрермендер
Қазақстан және Ресей әншілерінің орындауындағы концертті тамашалады.
Самат
ҚАНАҒАТОВ