«Toyota» компаниясы қауіпсіздік жастықтарының проблемасына байланысты әлем бойынша 1,6 млн автокөлігін кері қайтарып жатыр. Олар «Toyota» компаниясының «Avensis» және «Corolla» маркалы көліктері. Олардың қауіпсіздік жастықтары жұмыс істемеуі немесе кенеттен ашылып кету қаупі бар. Екі жағдай да адам өміріне қауіпті,- дейді компания қызметкерлері. Айта кетсек, осыған дейін де «Toyota»-ның 2008-2014 жылдары шығарылған әлемдегі 2,4 млн гибридті автомобильдері жүйедегі қателіктердің кесірінен жол үстінде қуатын жоғалтып алып отырған. Ол кезде де компания өнімдерін кері қайтарған еді.
Ә. Өмірзақ