Ал Дүниежүзілік банк биыл Ресей экономикасы 1,4 пайыздан 1,2 пайызға әлсірейді деп болжап отыр. Оған мұнай өндірісі көлемінің төмендеп, валюта саясатының қатаңдатылып, жыл басынан қосымша құн салығының көбейтілуі әсер етеді деген болжам бар. Былтыр Ресей экономикасы рекордтық деңгейге дейін өскен. Бұл 6 жылдан бергі жоғарғы көрсеткіш. Сарапшылар мұны әлемдік мұнай бағасының артып, экспорттан түскен пайдамен байланыстырып отыр. Әрі ірі энергетикалық жобалар да іске асқан. Көрсеткішке футболдан әлем чемпионатының Ресейде өтуі де ықпал еткен.
Г. Меңдеева