Нұрсұлтан Назарбаев туралы жаңа кітап жарық көрді. Бүгін «Елбасы және халқы» атты кітабты Қазақстан халқы Ассамблеясы таныстырды. Үш тараудан тұратын кітапта Нұрсұлтан Назарбаевтың 1995-1999 жылдары сөйлеген сөздері, «Жеңіс пен жетістікке жігерлендіруші» тарауында бірге қызмет еткен жандардың және Елбасы туралы бұқаралық ақпарат құралдарында жарық көрген жарияланымдары топтастырылған. Ал үшінші тарауда этно-мәдени бірлестік өкілдерінің Елбасы туралы пікірлері жинақталды. Сондай-ақ, жинаққа Елбасының жеке архивінен алынған құнды суреттер мен құжаттар енген. Екі тілде мың данамен жарық көрген кітап республика кітапханаларына жолданады.
Ә. Өмірзақ