Коронавируспен күресте белсенділік танытқан волонтерлердің еңбегі еленді. «Biz Birgemiz» акциясына қатысушы жастар бүгін мемлекет басшысы Қасым-Жомарт Тоқаев тағайындаған «Халық алғысы» медалімен марапатталды. Елбасы Нұрсұлтан Назарбаевтың қолтаңбасы мен суреті бейнеленген футболкалар да берілді. Арнайы сый-сыяпаттарды «Nur Otan» партиясы төрағасының бірінші орынбасары Бауыржан Байбек табыстады. Ол, еріктілер сын сағатта алғы шептен көрініп, жалғызбасты қариялар мен тұрмысы төмен 300 мыңдай отбасыға азық-түлік пен дәрі-дәрмек жеткізіп берген. «Birgemiz» қоры арқылы волонтерлер сондай ақ 5 миллионнан астам бетперде тегін таратты. Бауыржан Байбек, белсенді жастарды партиядағы праймеризге қатысуға шақырды.
Бауыржан БАЙБЕК, «NUR OTAN» ПАРТИЯСЫ ТӨРАҒАСЫНЫҢ БІРІНШІ ОРЫНБАСАРЫ:
Біз енді партия тарапынан сіздер сияқты азаматтарды қолдаймыз. Елбасының жақсы бір сөзі бар. Мынандай еріктілер жұмыс істеп жатқан осындай азаматтар, осындай жастар лайық. Маслихатта, Облыстық деңгейде мәжілісте депутат болуға.