Павлодарда қайық аударылып, балықшы суға батып кетті. Оқиға түнгі сағат 12:25-те Ақсу ауылдық аймағына қарасты Еңбек ауылы маңында болған. Ертісте қайық аударылып, екі балықшы суға кетіпті. Біреуі өз күшімен өзен жағасына шығып үлгеріпті. Ал, екінші балықшыны құтқарушылар әлі күнге іздестіріп жатыр.
Зейнет МҰРЗАБАЕВ, ПАВЛОДАР ОБЛЫСТЫҚ ТЖД БАСҚАРМА БАСШЫСЫ:
Қазіргі уақытта жедел құтқару жасағы балықшыны іздестіріп жатыр. Жасақ құрамында 4 құтқарушы және 4 сүңгуір бар. Іздеу жұмыстарына еріктілер де қосылды. Әзірге балықшының қайығы ғана табылды.
Ө. Қуанар