Бүгін "Túrkistan" халықаралық газетінің жарыққа шыққанына 27 жыл толды. Тарихи күнге орай, бүгін басылымның осы уақытқа дейінгі жарияланған үздік мақаларының жинағы таныстырылды. Газеттің негізін Қазақстанның Халық жазушысы Қалтай Мұхамеджанов қалаған. Сол уақыттан бері басылым бетіннен саяси-қоғамдық, тарихи-танымдық, рухани, мәдени тақырыптардағы сараптамалық мақалалар түскен емес. Әсіресе, түркі тілдес халықтардың ынтымақтастығы мен алыс-жуықтағы қандастар мәселесі де жарияланып тұрады. Атаулы күнге орайластырылған жинақта бірлікке, ұлттық тұтастыққа үндейтін сүбелі мақала, сұхбаттар топтастырылыпты. Тарихтың ақтаңдақ беттері мен түркі әлеміне ортақ шежіре, рухани-мәдени мұра да осы жинақтан табылады, дейді газеттің бас редакторы Қуат Әуесбай. Оның айтуынша, бұл еңбек қазақ баспасөзін зерттеушілер үшін таптырмас көмекші құрал болмақ. Жаңа кітап 500 данамен басылып шыққан.
Қуат ӘУЕСБАЙ, "TURKISTAN" ХАЛЫҚАРАЛЫҚ ГАЗЕТІНІҢ БАС РЕДАКТОРЫ:
Алдыңғы толқын ағалардың алдында аманатты осындай жинақ шығарып, осындай іс-шара ретінде сол аманатқа адал екенімізді, аманатқа қиянат жасамағанымызды ниеттемекпіз.
А. Данияр