Ақтауда қоғам қайраткері Сақып Керелбаевты еске алуға арналған іс-шара өтті. Ол күллі ғұмырын қоғамға қызмет етуге арнаған. Ауыл шаруашылығы басқармасының басшысынан облыс әкімінің бірінші орынбасарына дейін көтерілген. Айтулы шараға туыстары, жолдастары, бұрынғы әріптестері мен серіктестері жиналды. Іс-шараға аймақ басшысы Серікбай Трұмов та қатысты. Облыс әкімі Сақып Керелбаевтың іскер де, білімді басшы болғанын, өз міндеттерін мінсіз орындағанын, қол астындағыларға кішіпейілділік пен түсіністік танытқанын атап өтті. Оның жарқын бейнесі ел жадында мәңгі сақталады, ал еңбектері кейінгі ұрпақ үшін өшпес мұра болады, деп қорытындылады.
Серікбай ТРҰМОВ, МАҢҒЫСТАУ ОБЛЫСЫНЫҢ ӘКІМІ:
Өзінің 45 жылдық мансабында ол игі істердің жаршысы болды. Оның өмірі, мансабы – өлке тарихының жарты ғасырлық шежіресі. Оның шешендік аузынан туған өлкесінің әңгімелері әрдайым төгілді. Қызметте де, зейнеткерлікте де ол аймақтың қоғамдық-саяси мәселелеріне бей-жай қарамады. Ол өскелең ұрпақтың ұлттық және патриоттық тәрбиесіне үлкен адалдық танытты.
Еске сала кетейін, Сақып Керелбаев мемлекет және қоғам қайраткері, өңірдің құрметті азаматы, "Құрмет" және "Парасат" ордендерінің иегері атанған. Көзі тірісінде оқырмандарына мол мұра қалдырды. Ал оның соңғы шығармасы "Маңғыстаудың 360 киелі жері" жинағы. 600 беттен тұратын жинақ бүкіл аймақ пен ел үшін теңдессіз туынды болып қалмақ. Ол 18 тамызда аты жаман індетпен ауырып, кейін қайтыс болды.
Сайын КЕРЕЛБАЕВ, АҒАСЫ:
Құрметті достар, жолдастар! Міне, Сақып, қайта тірілгендей, көз алдында тұр. Мұндай қайғылы жағдайлар қайталанбасын. Егер бұл жаман ауру бізден біреуді алып кетпесе жақсы болар еді. Жоғалғаны үшін өкінеміз. Бұл үлкен жара. Сақып біздің жүрегімізде мәңгі қалады.
Еске алу кешінде жергілікті әртістер Сақып Керелбаевқа арналған өлеңдерді оқыды. Замандастары мен әріптестері өз естеліктерімен бөлісті.
Ғ.Өтемісов