Ауғанстан аумағындағы 35 қандасымыз атамекенге жеткізілді. Этникалық қазақтардың тарихи отанына оралуы мемлекет басшысының тапсырмасына сәйкес орындалды. Қорғаныс министрлігінің арнайы ұшағында жалпы саны 41 жолаушы болған, олардың арасында Қазақстанның 4 азаматы, Қырғызстанның 1 азаматы және елімізде тұрақты тұратын 1 ауған бар. Жолаушылардың барлығы уақытша оқшауландырылды. Сыртқы істер министрлігінің мәліметінше, эвакуациялық рейсті ұйымдастыру "Талибан" қозғалысымен үйлестіріліп жүзеге асырылған.
Мағауия САРБАСОВ, «ОТАНДАСТАР» ҚОРЫНЫҢ ВИЦЕ-ПРЕЗИДЕНТІ:
Ауғанстан аумағынан этникалық қазақтардың бірінші легі келіп қонды. Өзіміздің қандастарды Ауғанстаннан шығару мемлекет басшысы Қасым-Жомарт Тоқаевтың тапсырмасына сәйкес, Сыртқы Істер Министрлігінің ұйымдастыруымен және ҚР Кабулдағы елшіліктің қолдауымен болған еді.
Отанына дін-аман оралғандардың қуанышында шек жоқ. Олар мемлекет басшысына алғыс айтып, жылы лебіздерін білдірді.
Хасан ДЕРМАН, АУҒАНСТАННАН КЕЛГЕН ҚАНДАС:
Атамекенге келгеніміз үшін, көмектесіп, арқалап алып келгендері үшін өте рахмет. Бірінші Қазақстан Президентіне, басқа қолы тиген көмектескендерге. Анаммен, екі ініммен, үш қарындасыммен келдім.
А. Лесбек