Елде коронавирус жұқтырғандардың саны миллионға жуықтады. Денсаулық сақтау министрлігінің хабарлауынша, өткен тәулікте індетті мыңнан аса адам жұқтырған. Ауруханадағы науқастардың 500-ден астамының жағдайы ауыр. 125 пациенттің өмірі қыл үстінде дейді дәрігерлер. Әйтсе де, жауапты ведомство эпидемиологиялық жағдайдың тұрақталғанын айтады. Бағалау матрицасы бойынша -Павлодар мен Солтүстік Қазақстан облыстары "қызыл" аймақта. Нұр-Сұлтан қаласы бастаған 5 өңір қауіптілігі орташа белдеуде. Ал, 10 аймақта індеттің таралуы бәсеңдей бастаған.
А. Данияр