Қазақстан Президенті Нұрсұлтан Назарбаев Карелия Республикасындағы балалардың қайғылы қазасына орай Ресей президенті Владимир Путинге көңіл айту жеделхатын жолдады. Жеделхатта Мемлекет басшысының суыт хабарды зор күйзеліспен қабылдағаны айтылған. Елбасы қара жамылған отбасылары мен жақындарына Қазақстан халқының және жеке өзінің атынан көңіл айтып, қолдау білдіретінін жеткізді.
Еске
салсам, Карелиядағы сауықтыру лагеріндегі балалар Сямозеро көліне серуенге
шыққан. Үш қайықтың екеуі қатты желден аударылып, 13 бала мен тағы бір ересек
адам суға кетіп қаза тапты. Ресей Тергеу комитеті оқиға бойынша қылмыстық іс
қозғады. Қазір сапарды ұйымдастырған екі нұсқаушы қамалған. Карелияда 20 маусым
қаралы күн деп жарияланды.
Берік
ХАСЕНОВ