Елімізде жаппай тәртіпсіздік кезінде Арал ауданы Сексеуіл кентінің тұрғындары ауызбіршіліктерін көрсетті. Олар пойыздары тоқтап, бір күн тұрып қалған жолаушыларды үш мезгіл ыстық тамақпен қамтамасыз еткен.
Ауыл халқы 3 қой сойып, 500-ге жуық жолаушының ыстық ықыласына бөленді. Халықты ұйыстырып, басын қосып, осы игілікті іске мрныдық болған - Арал аудандық мәслихатындағы «Nur-Otan» партиясы депутаттық фракциясының мүшесі Еркебұлан Аяғанов.
Еркебұлан АЯҒАНОВ, АРАЛ АУДАНДЫҚ МӘСЛИХАТЫНЫҢ ДЕПУТАТЫ, «NUR OTAN» ФРАКЦИЯСЫНЫҢ МҮШЕСІ:
Вокзал маңына қазан-ошақ құрылып, пойызда отырған жолаушыларға үздіксіз ас-сумен және ауырып жатқан жолаушыларға дәрі-дәрмекпен қамтамыз етті. Сонымен қатар, Арал ауданы, Қазалы ауданына баратын жолаушыларға ауыл еріктілері такси қызметін ұйымдастырып, бара жеріне аман-есен жөнелтті.
Игі бастама Қазалы ауданында жалғасын тапты. Мұнда еріктілер бір тәулік жол бойында қаңтарылған 700-ге жуық жолаушыға ыстық тамақ пен өзге де қажеттіліктерін жеткізіп берген.
ЖОЛАУШЫ:
Ауқатын беріп жатыр. Шайын, сүтін беріп жатыр. Халықтың дәрі-дәрмегін, нәрестелердің жөргегін беріп жатыр. Мың да басымды иемін ол кісілерге.
М. Тоқтасынқызы