Түркияның оңтүстік-шығысындағы Газиантеп провинциясында қалың қар жауды. "Бұл соңғы 54 жылда болмаған жағдай" дейді жергілікті ақпарат көздері. Қардың қалыңдығы 1 метрге дейін жеткен. Жүздеген жүк көлігі жол бойында қаңтарылып тұр. Боран салдарынан жолда қалған 2800-ге жуық адам құтқарылды. Ресми ақпарат бойынша, діттеген жеріне жете алмай тұрған 7 мың саяхатшыға азық-түлік жеткізілген және 190-ға жуық адам эвакуацияланған.
Сауд Арабияда да ауа температурасының рекордтық төмендеуі тіркелді. Соңғы 30 жылда минус 6 градус болмаған. Аяз бен қалың қар, кей аймақтарда қар соңы жаңбырға ұласып, жағдай қиындаған. Қазгидрометтің мәліметінше, біздің елде де кейбір өңірде ауа-райы күрт төмендейді. Қатты жел соғып, жаңбыр аралас қар жауады. Таңертеңгі уақытта тұман түсіп, көктайғақ болады дейді синоптиктер.
Ә. Дүкембаева