Экология, геология және табиғи ресурстар вице-министрі Ахметжан Пірімқұлов пен "РОП операторы"-ның басшысы Медет Құмарғалиев ұсталды. Мұны Сыбайлас жемқорлыққа қарсы іс-қимыл агенттігі растады. Олар сыбайлас жемқорлық қылмыстарын жасады деген күдікке ілінген. Қазір екеуі де Нұр-Сұлтан қаласының уақытша ұстау изоляторына қамалған. Сондай-ақ бүгін "РОП операторы" жауапкершілігі шектеулі серіктестігінің топ менеджері Руслан Шәмшиевтің мәйіті табылды. Бұл туралы Нұр-Сұлтан қалалық Полиция департаменті хабарлады. Ол өз-өзіне қол жұмсаған болуы мүмкін.
НҰР-СҰЛТАН ҚАЛАЛЫҚ ПД БАСПАСӨЗ ҚЫЗМЕТІ:
Ер адамның мүрдесінің табылу фактісі бойынша «Есіл» аудандық полиция бөлімі ҚР Қылмыстық Кодексінің 105-бабымен қылмыстық іс қозғады. Қазіргі уақытта тергеудің толықтығын және дұрыстығын қамтамасыз ету мақсатында қажетті тергеу амалдары жүргізіліп жатыр.
Б. Сатуов