Хабарымыз әрі қарай спорт жаңалықтарымен жалғасады. Онымен әріптесім Асылбек Данияр таныстырады. Асылбек, бүгін қандай жаңа ақпараттар мен бөлісесің? Олимпиададан қандай хабар бар.
Кеш жарық, Әділет! Қазақстанның бірінші ракетасы Елена Рыбакина Ресейдегі жарысты аяқтады. Ал Қытайдан жеткен жақсы жаңалық бар. Осы және өзгеде ақпараттар сәлден соң.
Қазақстандық теннисші Елена Рыбакина Ресейдің Санкт-Петербург қаласында өтіп жатқан WTA 500 турнирін аяқтады. Елдің бірінші, әлемнің 12-інші ракеткасы алғашқы сында-ақ, ресейлік спортшыны ойсырата жеңген болатын. Екі сеттің қорытындысы бойынша есеп 6:3, 6:2. Алайда, отандасымыз ширек финалға қатыспады. Денсаулығына байланысты жарысты сол жерден тоқтатты. Оның қарсыласы чехиялық Тереза Мартинцова, осылай техникалық жеңіске жетті.
XXIV Қысқы Олимпиадаға өзге елдің атынан қатысып жатқан қандастарымыз туралы бірер ақпарат. Олар Қытай Халық Республикасының құрамасындағы шаңғышы Қадыс Беделхан мен Баян Жалын және конькиші Ақнар Ардақ. Ақнардың бұл бірінші олимпиадасы. Ол сайыс қорытындысы бойынша 17 сатыға жайғасты. Шыңжаңда туылған қазақ қызы жанкүйерлері мен қазақстандықтарға сәлем жолдады.
Ақнар АРДАҚ, ҚХР АТЫНАН ОЛИМПИАДА ҚАТЫСУШЫСЫ:
11 жасымнан бастап мұз шаңғыға үйрендім. Үй-ішім теледидардың алдында менің жарысымды көріп отыр. Сіздердің қолдап жатқандарыңызға ерекше рақметімді айтамын.
Төрт жылдықтың басты додасына қатысып жатқан спортшыларымыз, бүгін доданың 4 түрінен бақ сынады. Жарыс жолына бірінші болып шаңғышы жігіттер шықты. Ел намысын қорғаған атлеттеріміз өкінішке қарай, жүлдегерлер қатарынан көріне алмады. Классикалық стильде жарысқан отандастарымыз кестенің 25-інші және 40-ншы орындарына жайғасты. Шаңғымен тұғырдан секіруге 2 спортшымыз қатысты. Тиісті ұпай жинай алмай, келесі кезеңге өте алмады. Биатлоннан бақ сынаған бұрымды атлетіміз мәрені 52 болып кесіп, Олимпиада ойындарын аяқтады. Күнді әдеттегідей шорт-трек шеберлері қорытындылады. 500 метрлік қашықтықтағы ширек финалға 3 бірдей отандасымыз қатысты. Олар: Әділ Ғалиахметов, Денис Никиша және команда капитаны Абзал Әжғалиев. Олар жартылай финалға жолдама алды.
Аспан асты еліндегі Ақ Олимпиаданың бүгінгі қорытындысы мынадай:
Норвегия көш басында. Оларда 6 алтын, 3 күміс, 5 қола бар. Екінші орында -Германия. Үздік үштікті Швеция қорытындылап тұр.
Мендегі бар ақпарат осы. Алдағы демалыс күндері ел үміт артып отырған спортшыларымыз өнер көрсетеді! Оларға сәттілік тілейміз. Әділет, сөз өзіңде.
Рақмет, Асылбек! Ал, біз жаңалықтарымызды жалғастырамыз.
А. Данияр