Украинаның ауқатты азаматтары мен белді кәсіпкерлері чартерлік рейстермен елден кетіп жатыр. Бұл туралы жергілікті басылым «Украинская правда» хабарлады. Тек жексенбінің өзінде Киевтен 20-ға жуық чартер мен жеке ұшақ ұшып кеткен. БАҚ өкілдерінің хабарлауынша, соңғы 6 жылда мұндай дүрбелең болмапты. Ал олигархтардың бірі елден кетпегенін мәлімдесе, бірі ұшақты техникалық жөндеуге алып кеткенін айтқан. Еске салсақ, АҚШ Президенті Джо Байден Ресей Украинаға 16-ақпан күні "басып кіретіні" туралы айтқан болатын. Сондай-ақ, соққының зымырандар мен кибершабуыл арқылы жасалатынынан хабардар еткен.
Л. Қуанышқызы