Доллар қымбаттап, теңге құлдырады. АҚШ валютасы бір тәуліктің ішінде 15 теңгеге дейін өскен. Күні кеше Қазақстанда бір доллар құны 437 теңге болды. Бүгін таңертең қор биржасындағы сауданың қорытындысы бойынша Қазақстанда доллар бағамы 452, 49 теңгеге жетті. Елдегі кейбір ақша айырбастау бекеттерінде бір доллар орта есеппен 460 теңгеден сатып алынып, 465-469 теңгеден сатылып жатыр. Кей жерлерде 474 теңгеге дейін көтерілген. Тіпті, кейбір қалаларда айырбастау пункттері жұмысын уақытша тоқтатқан. Бұған қатысты сарапшылар не дейді? Ол туралы толығырақ экономика жаңалықтары топтамасында.
А. Данияр