Хабарымыз әрі қарай спорт жаңалықтарымен жалғасады. Онымен әріптесім Асылбек Данияр таныстырады. Асылбек, бүгін қандай ақпараттармен бөлісесің?
Кеш жарық, Руслан! Әлемнің ең танымал теннисшілерінің бірі төрешіге шабуыл жасаймын деп жарыстан шеттетілді. Сондай-ақ Софиядағы бокс турниріне қатысып жатқан спортшылардың көбі жартылай финалға жолдама алды. Осы және өзге де жаңалықтар сәлден соң.
Ресейде өткен аралас жекпе-жек турнирінде Омбыдан шыққан қазақ файтері Ильяс Хамзин бразилиялық қарсыласын жеңді. Жартылай орта салмақтағы спортшылардың арасындағы жекпе-жек үш раундқа созылды. Луган кездесу барысында Ильяс Хамзинді нокдаунға түсірген. Десе де, қандасымыз тез арада ес жиып, жеңіс үшін барын салды. Нәтижесінде Хамзин төрешілер шешімімен жеңіске жетті. Бұл Ильяс Хамзиннің ММА-дегі тоғызыншы жеңісі.
Боксшы Нұрлан Сапарбай әлем чемпионатында кеткен есесін қайтарды. Болгария астанасында өтіп жатқан "Странджа кубогы" халықаралық турнирінің кешегі күнгі нәтижесі бойынша рингке шыққан 18 отандасымыздың,11-і келесі айналымға жолдама алды. Бұл туралы Қазақстан бокс Федерациясы мәлімдеді. 92 келіде сынға түсіп жатқан жерлесіміз ширек финалда испаниялық боксшымен жұдырықтасты. Жекпе-жек уақытынан бұрын аяқталды. Сондай-ақ кеше түрік боксшылары екі отандасымызды жарыс жолынан ысырып тастады.
Әп сәтте абыройдан айырылды. Әлемнің ең танымал теннисшілерінің бірі төрешіге шабуыл жасап турнирден шеттетілді. Ол Мексикадағы турнирде өнер көрсетіп жатқан неміс спортшысы Александр Зверев. Теннисші жұптық сайыс кезінде төрешінің шығарған шешімімен бірнеше рет келіспей шу шығарған. Сайыс нәтижесінде олар бразилиялық қарсыластарынан үш сеттің есебі бойынша 2:6, 6:4, 6:10 есебімен жеңілді. Ойын аяқтала салысымен Зверев төрешінің отырған жеріне барып, ракеткамен бірнеше рет ұрып кетті. Спортшының осы әрекетінен кейін кәсіпқой теннис ассоциациясы Александр Зверевті турнирден шығарып тастады. Айта кетерлігі, ол бұл турнирдің жекелей сындағы екінші айналымына өткен болатын. Бүгін ел намысын 12 боксшы қорғайды.
Бүгінге айтарым осы. Елдегі және әлемдегі спорттың басты оқиғаларын бірінші болып бізден біліңіздер. Күнделікті дәл осы уақытта жолыққанша. Руслан, тізгін өзіңде.
Рақмет, Асылбек! Ал, біз жаңалықтарымызды жалғастырамыз.
А. Данияр