Белгілі айтыскер, ақын Аманжол Әлтай Мәжіліс депутаты болады. Бүгін Саяси кеңес Бюросының қаулысымен «AMANAT» партиясынан Мәжіліс депутатының бос мандатын партиялық тізім бойынша Аманжол Әлтайға беру туралы шешім қабылданды. Бұл туралы «AMANAT» партиясының атқарушы хатшысы Асхат Оралов өзінің әлеуметтік желідегі парақшасында жазды. Оның айтуынша, тиісті шешім Қазақстан Республикасының Орталық сайлау комиссиясына жіберілген. Асхат Оралов жаңа депутатқа сенім білдіріп, сәттілік тіледі.
Ә. Дүкембаева