Қызылордада демалыс орындарының бірінде әйелді пышақтап кетті. Оқиға ғимараттағы бейнебақылау камерасына түсіп қалған. Полиция басқармасының мәліметінше, екі адамның арасында жанжал болған. Олардың бірі- 25 жастағы жігіт қасындағы әйелге пышақ жарақатын салған. Қазір 30 жастағы жәбірленуші жансақтау бөлімінде жатыр. Ал күдікті уақытша ұстау абақтысына қамалды.
Нариман АБЛАКИМ, ҚЫЗЫЛОРДА ҚАЛАЛЫҚ ПОЛИЦИЯ БАСҚАРМАСЫ ТЕРГЕУ БӨЛІМІ БАСТЫҒЫНЫҢ ОРЫНБАСАРЫ:
Оған қатысты ҚР Қылмыстық кодексінің 24-бабының 3-бөлігімен және 99-бабының 1-бөлінімен қылмыстық іс тіркеліп, «яғни адамды құқыққа қарсы қасақана қазаға ұшыратуға оқталу» дерегімен сотқа дейінгі тергеп- тексеру әрекеттері жүргізілуде.
М. Тоқтасынқызы