Қазақстан ТМД елдері бойынша ең бақытты ел атанды. Ал әлемде 40-орында. World Happiness Report сайты 2019-2021 жылдары жүргізген сауалнамасына сәйкес жаңартылған рейтингті жариялады. Бұл рейтингте Қазақстан өткен жылғы нәтижесін 5 сатыға жақсартып, барлық ТМД елдерін басып озды. Былтыр посткеңестік елдер арасында Өзбекстан бақытты ел атанса, бұл жолы 53-орынға тұрақтаған. Сауалнамаға дүниежүзі бойынша 9 миллионнан астам адам қатысқан. Авторлар әлемдегі ең бақытты жандар Финляндияда тұрады деп тапқан. Дания, Исландия, Швейцария мен Нидерланд алғашқы бестікті түйіндейді.
А. Бердибеков