Жыр атасы Жамбыл Жабаевқа арналған "Жамбыл. Жаңа дәуір" фильміне балалар арасындағы кастинг жалғасуда. Кастингке қатысу үшін еліміздің түкпір-түкпірінен 400-ге жуық өтінім келіп түскен. Ұйымдастырушылар дарынды жасөспірімдерді іздеуді сәуір айының аяғына дейін жалғастырамыз дейді. Балалардың түсірілімге қатысу тәжірибесі маңызды емес. Кастингке қатысуға кез келген бала онлайн-форматта өтінім бере алады. Тек аз қамтылған отбасылардың балалары мен мүмкіндігі шектеулі балғындарға басымдық беріледі. Кинотуындының түсірілімі мамыр айында басталады.
Диана ҚЫДЫР, КАСТИНГ ДИРЕКТОРЫ:
Кино саласында мұндай балаларға мүмкіндік бола бермейді. 30 шақты балаға мүмкіндік беріп, оның ішінде іріктеп отырып 2-3 балаға Жамбылды ойнайтын актермен қатар рөл берсек деп отырмыз. Өте талантты балалар көп екен.
Гүлжан АҚЫЛБЕКҚЫЗЫ, ӘЛЕУМЕТТІК ҚЫЗМЕТКЕР:
Осы жерге келіп балалардың шығармашылығын дамытуға кастинг өткізіп жатқан ұжымға алғысымызды, рақметімізді айтамыз. Балалардың ерекше қасиеттерін ашып, қоғамға бейімдеп, оларды дәріптеп жатқанына көп рақмет.
Ә. Бердібеков