Кезек, әдеттегідей спорт жаңалықтарында. Онымен әріптесім Асылбек Данияр таныстырады. Асылбек, бүгін қандай қызықты ақпараттармен бөліесің?
Армысыз, көрермен! Кеш жарық, Амина! «Манчестер Юнайтед» шабуылшысы Криштиану Роналду 14 жастағы жанкүйірін ұрып, басы бәлеге қалды. Осы және өзге де жаңалықтар сәлден соң.
Геннадий Головкин мексикалық Сауль Альвареспен жекпе-жекке шығуға дайын. Қазақстандық кәсіпқой боксшы трилогияның мерзімін мамыр айының соңына дейін нақтылауды сұрады. Бірір күн бұрын өзінің 44-нші кездесуін өткізген Головкин жапониялық қарсыласын 9-раунда техникалық нокаутпен жеңді. Осы айқастан соң Геннадий әлемдік рейтингте көш бастады. Тіпті, ол «Канелоны» шаң қаптырып кетті. Отандасымыз BoxRec рейтингісінде салмақ дәрежесіне қарамастан барлық боксшылар арасында 693.0 ұпаймен бірінші орынға көтерілді. Айта кетейін, Геннадий Головкин Риота Муратаға өзінің шапанын сыйлап, «WBA Super» чемпиондық белбеуін де қайтарып берді. Жапон боксшысы осы жекпе-жектен кейін карьерасын аяқтауы мүмкін. Шетелдік басылымға берген сұқбатында ол аздаған үзілістен кейін нақты шешім қабылдайтынын айтқан.
Криштиану Роналдуның басы бәлеге қалды. "Эвертоннан" ұтылған футболшы бар ашуын 14 жастағы көрерменінен алды. Аутизмге шалдыққан жасөспірім сол кезде жарақат алған португалиялықтың аяғын ғана түсірмек болған деген мәлімет бар. Роналду жанкүйерінің қолын қатты соққаны соншалық қолы көгеріп, телефоны шытынап кеткен. Қазіргі таңда бұл іс бойынша полиция тергеу жүргізіп жатыр екен. Ал Роналду кешірім сұрап, жанкүйерді "Манчестер Юнайтедтің" матчіне шақырды.
«Манчестер Юнайтед» шабуылшысы Криштиану Роналду осы жазда командадан кетуі мүмкін. Prosports.kz.-тің хабарлауынша, «қызыл сойқандардың» кейбір басшылығы португалиялық футболшының жазғы трансфер кезінде клубтан кеткенін қалап жүр.
Көркем гимнастикадан әлем кубогінде Қазақстандық гимнаст Эльжана Таниева қола жүлдегері атанды. Болгарияның София қаласында өткен жарыста отандасымыз ұршықпен жаттығу бойынша финалда 28,7 ұпайын еншіледі. Жалпы, сайыс қорытындысы бойынша жергілікті спортшы бірінші, италиялық гимнаст екінші орынға ие болды.
Менде бүгінге осы. Елдегі және әлемдегі спорттың басты оқиғаларын бірінші болып бізден біліңіздер. Амина, сөз сенде.
Рақмет, Асылбек! Ал, біз жаңалықтарымызды жалғастырамыз.
А. Данияр