Баласына ауыр диагноз қойылып, оған елімізден ем таппаған ата-аналар шетелдік дәрігерлердің көмегіне жүгінуге мәжбүр. Алайда, құны қымбат күрделі операцияға қол жеткізу оңай емес. Амалсыздан, көптен көмек сұрайды, қажетті ақшаны халықтан тиындап жинайды. Дәл осылайша тиыннан теңге құрап, баласына құлақ жасатуды арман еткен әке арнамыздан көмек сұрады.
5 жастағы Адиля өмірге бір құлақсыз келген. Бір құлағының орны түгелдей сүйекпен жабық, тесігі де жоқ. Жыл сайын екінші құлағының да есту қабілеті нашарлап барады. Аулаға шықса, балалар онымен ойнаудан қашады. Кемістігін бетіне басып, мазақтайды екен. Сондықтан, Адиля қазірден мектепке бармаймын деп жылайды. Ал, бүлдіршіннің ата-анасы оның болашағына алаңдайды.
Ерболат ҚУАНЫШЕВ, АДИЛЯНЫҢ ӘКЕСІ:
Естиді, бірақ 3 жыл бұрын 100 процент еститін, қазір 75 процентке азайып қалды. Ертең болашақта не болатынын білмеймін. Бірдеңе қарап отырсаң, «папа, мен естімеймін ғой телевизор, мен естімей жатырмын ғой дейді. Бірдеңе сөйлеп қалсаң үндемей отыра береді. Кейбір міне осылай нервысын да көрсетіп алады.
Әкесінің сөзінше,кішкентай қыздың жүйке жүйесі қазірден тозған. Жөнді естімеген соң, ашуланшақ болып барады. Микротия атрезия деп аталатын дерттің емі жоқ емес. Тек елімізде ондай операция жасалмайды.Үміт- шетелде, құны -47 мың доллар. Ал, дәрігерлер оның өзіне ешқандай кепілдік жоқ екенін айтқан.
Айгүл МЕДЕУЛОВА, ОТОРИНОЛАРИНГОЛОГ ДӘРІГЕР, ЖОҒАРЫ САНАТТАҒЫ ХИРУРГ:
Ең қорқынышты асқынудың бірі бұл жаңағы жасанды есту жолын жасағанда қайтадан уақыт өте келе жабылып қалады. 100 процент ешкім кепілдік бермейді дәрігерлердің ішінде. Екіжақты құлағы жоқ болып, естуі төмен болса, сондай кезде сөйлеу қабілеті де тежеліп бала мектепке бара алмайды, аппарат тағуға тура келеді.
Маманның айтуынша, диагноздың себебі бір томдық кітаппен тең. Әрі бұл мәселе елімізде 6 жыл бойы көтерілгенмен, нақты шешім әлі жоқ дейді.Осы диагноз 5000-ға жуық балаға қойылған. Ал, Адиляның ата-анасы «Қазақстан халқына» қорынан да көмек сұраған. Бірақ, қор өкілі бұдан да күрделі жағдайлар алдымен қаралатынын айтады.
Әйгерім ЕСЕНӘЛІ, «ҚАЗАҚСТАН ХАЛҚЫНА» ҚОРЫНЫҢ РЕСМИ ӨКІЛІ:
Қазақстан халқына қорының енді бүкіл халыққа қатты қиын жағдайда, қиналып тұрған, көмекке қатты зәру адамдарға көмектесу негізгі миссиясы. Негізгі бірінші шешімдердің бірі болып қабылданған ол арфандық дерт.Біздің елімізде тіркелмеген Золгензма деген әлемдегі ең қымбат дәріні алып келу. Тіркелмеген дәріні денсаулық сақтау министрлігі алып келе алмайды.
Әйгерім Есенәлінің айтуынша, бұған министрлік тікелей жауапты. Ал, министрлікке биылдың өзінде бұл дерттен жапа шеккен 31 баладан өтініш түскен. Оның 23-і өзге елде емделсе, біреуіне шетелдік маман операция жасапты. Ал Адиляның әкесі Ерболат Қуанышев министрліктен қолдау болмай тұр дейді.
Олжас ЫСҚАҚОВ, ҚР ДСМ АНА МЕН БАЛА ДЕНСАУЛЫҒЫН ҚОРҒАУ ДЕПАРТАМЕНТІ ДИРЕКТОРЫНЫҢ ОРЫНБАСАРЫ:
Әрбір шетелде емделем, шетелге шығам деген жағдай индивидальді түрде қаралуы керек. Әрбір сұраққа жекеше тоқталу керек. Бұл мемлекет тарапынан қаржыландырылмайды. Өйткені, арнайы бұйрыққа сәйкес,шетелде емделетін тізім бар. Аурулар сол тізіммен жүргізіледі.
Сондықтан, Қуанышевтар отбасы тек қайырымды жандарға үміт артады. Егер, кішкентай ханшайымға көмектемесін десеңіздер, арнайы есепшотты назарларыңызға ұсынамыз.
КАСПИ ГОЛД
4400 4301 4814 8775
87474069685 ЕРБОЛАТ К.
Л. Қуанышқызы