Елордада халықаралық мектеп Қазақстан халқының бірлігі күні мерекесін атап өтті. Олар айтулы датаға орай дәстүрлі түрде қайырымдылық жәрмеңкесін ұйымдастырған. Мектеп ұжымы биыл оныншы мәрте игі істі жүзеге асырып жатқандарын айтады. Шарада 22 елдің мәдениеті мен салт-дәстүрі таныстырылып, ұлттық тағамдары жәрмеңкеге шығарылды. Шара оқушылардың концерттік бағдарламасымен жалғасып, әлем елдерінің ерекшеліктерін сахнада көрермен назарына ұсынды. Ұйымдастырушылардың айтуынша, жəрмеңкеден түскен қаржы науқас баланың еміне жұмсалады.
Ғалымжан МҰРЗАХМЕТҰЛЫ, «SPECTRUM» ХАЛЫҚАРАЛЫҚ МЕКТЕБІ» МЕКЕМЕСІНІҢ БАСШЫСЫ:
Бізде отандық және шетелдік мекемелер өздерінің көмектерін көрсетіп жатыр. Жәрмеңкеден түскен қандай да бір қаражатты көмеккке мұқтаж жанұяларға жыл сайын көмек қолын созады. Осы жылы да соны мақсат етіп, бір кісіні белгілеп, сол кісіге көмектесеміз деп отыр.
Ә. Бердібеков