Кезек, әдеттегідей спорт жаңалықтарында. Онымен әріптесім Асылбек Данияр таныстырады. Асылбек, бүгін қандай қызықты ақпараттармен бөлісесің?
Армысыз, көрермен! Кеш жарық, Әділет! Қазақстандық Геннадий Головкин Бүкіләлемдік бокс қауымдастығының суперчемпионы ретінде мойындалды. Осы және өзге де жаңалықтар алдағы минуттарда.
Жәнібек Әлімханұлы британиялық Дэнни ДигнуМнен жеңіліп қалады. Осылай деген бокс шолушысы Элиот Фостер қазақстандық спортшыға жекпе-жек оңай болмайтынын жазған. Сарапшы британиялықтың мықты жақтары көп, дейді. Айтуынша, Жәнібек бұған дейінгі жеңген атақты қарсыластары бабынан қайтқандар. Ал, ресейлік комментатор әрі бокс шолушысы Григорий СтанГрит қазақстандық Жәнібек Әлімханұлының жеңетініне сенімді.
Григорий СТАНГРИТ, БОКС ШОЛУШЫСЫ:
Дигнум Әлімханұлымен қалай бәсекелесе алатынын білмеймін. Менің ойымша, Жәнібек нокаутпен жеңеді. Ұпай санымен бе, мерзімінен бұрын ба - қиын сұрақ. Бірақ Дигнум бәсекелес бола алады деп ойламаймын.
Айта кетейін, орта салмақта WBO тұжырымы бойынша уақытша әлем чемпионы титулы сарапқа салынатын жекпе-жек 21 мамырда Лас-Вегаста өтеді.
Қазақстандық Геннадий Головкин Бүкіләлемдік бокс қауымдастығының суперчемпионы ретінде мойындалды. Головкинге бұл дәреже ұйымның сәуір айына арналған жаңартылған рейтингінде бекітілді. Өткен айда ол Жапонияда жергілікті Риота Муратаны нокаутқа түсіріп, жеңіске жеткен болатын.
Хоккейдің соңы жаппай төбелеспен аяқталды. Тәртіпсіздік Ұлттық хоккей лигасы шығыс конференциясының плей-офф кезеңінің 1/4 финалындағы "Торонто " мен "Тампа-Бэй" арасындағы матч кезінде болды. Төрешілер мұзайдынынан бірден алты ойыншыны яғни әр командадан үш-үштен шығарып жіберген. Ал ойын "Торонто" жеңісімен аяқталды.
Менде бүгінге осы. Елдегі және әлемдегі спорттың басты оқиғаларын бірінші болып бізден біліңіздер. Әділет, сөз сенде.
Рақмет, Асылбек! Ал, біз жаңалықтарымызды жалғастырамыз.
А. Данияр