Елордада көпқабатты тұрғын үй ауласында ақ шаңқан киіз үйлер тігіліп, көршілер бір дастарқан басына жиылды. Түрлі дәмдер дайындалып, ұлттық тағамдар ұсынылды. Ауылдың алты ауызы да айтылды. Тату көршілікті ту еткен олар қол жайып қариядан бата алды. Көршілер Қазақстан халқының бірлігі күнімен қатар келген Ораза айтпен бір-бірін құттықтап, ізгі лебіздерін айтты. Ұрпақ сабақтастығын, ұлттар достығын сақтауды ауладан бастап, айналадағы ағайынға үлгі ету басты мақсатымыз дейді олар.
Марат ҚАЛИЕВ, НҰР-СҰЛТАН ҚАЛАСЫНЫҢ ТҰРҒЫНЫ:
Сол жағалауға 2017 жылы көшіп кеттік. Дегенмен қарым-қатынасымыз үзілген жоқ. Қазақстанымыз тыныш болсын. Барлық қазақстандықтарды мейраммен құттықтаймын шын жүректен.
Асқар БАЙЖІГІТҰЛЫ, НҰР-СҰЛТАН ҚАЛАСЫНЫҢ ТҰРҒЫНЫ:
Мына ауланың өзінде біз бірнеше ұлттың өкілдері тұрамыз. Ағайындай болып кеткенбіз барлығымыз. Халыққа не тілейміз ынтымақ тілейміз, бірлік тілейміз тек қана.
Ә. Бердібеков