16 жастағы жеткіншек 25 адамды алдаған. Өзі басқа қалада болса да, елордадағы пәтерлерді жалға беру туралы хабарландыруларды әлеуметтік желіде жариялап отырған. Күдікті жедел-тергеу іс-шаралары барысында қолға түсті. Оған қатысты қылмыстық іс қозғалды. Барлық іс-әрекеттерден келген шығын -шамамен 350 мың теңге. Нұр-Сұлтан қалалық ішкі істер басқармасы криминалдық полиция бөлімінің бастығы Талғат Бөлегеновтің айтуынша, интернет-алаяқтықтың кең таралған түрлерінің ішінде банктердің жалған қызметкерлерінен қоңыраулар шалатыны, сондай-ақ, алаяқтарды полиция, прокуратура және Ұлттық Қауіпсіздік Комитет қызметкерлері ретінде таныстыратын жағдайлар жиі кездеседі.
Талғат БӨЛЕГЕНОВ, НҰР-СҰЛТАН ҚАЛАЛЫҚ ІІБ КРИМИНАЛДЫҚ ПОЛИЦИЯ БӨЛІМІНІҢ БАСТЫҒЫ:
Биыл 1400 интернет-алаяқтық фактісі тіркелген. Жалпы шығын 1 млрд теңгеден асады. Жыл басынан бері елордалық полицейлер 48 интернет-алаяқты ұстап, қылмыстық жауапкершілікке тартты. Арасында банк қызметкерлері де бар.
Ә. Дүкембаева