Әлеуметтік желіде арнайы форма киген жігіттердің шамамен 12-13 жастағы баланы ағын судан құтқару сәті қызу талқылануда. Бұл кадрларда жеткіншекті қатты ағыстың алып бара жатқаны көрінеді. Оның көмекке шақырған даусы да естіледі. Келісілген әрекеттердің арқасында бала жағаға шығарылған. Бірақ, оны құтқарғандардың екеуін қатты ағыс алып кетті. Видео авторы бұл жағдайдың Жамбыл облысы Меркі ауылында болғанын атап өтеді. Алайда облыстың төтенше жағдайлар департаменті оқиғаның Қырғызстанда болғанын хабарлады.
Ә. Дүкембаева