Жамбыл облысында 5 цистерна АИ-92 маркалы бензинді Қырғыз Республикасына экспорттамақ болғандар ұсталды. Агенттіктің мәліметінше, құжаттарда бұл басқа өнім, яғни лак кетіретін еріткіш деп көрсетілген. Тәркіленген жанаржағармайдың құны - шамамен 60 миллион теңге. Агенттік таратқан ақпаратқа сәйкес, сотқа дейінгі тергеп-тексеру аясында жанаржағармайдың шығу көздері мен оның айналымына қатысы бар тұлғалар анықталуда.
Әлібек ӘБДІЛОВ, ҚР ҚАРЖЫ МОНИТОРИНГ АГЕНТТІГІНІҢ РЕСМИ ӨКІЛІ:
Жыл басынан бері қаржылық мониторинг агенттігі 4 миллиард теңгеге жалпы көлемдегі 20 мың тонна мұнай өнімдерін заңсыз айналымы фактілері бойынша 35 қылмыстық іс қозғады.
Ә. Дүкембаева