«AMANAT» партиясы балалар мен жасөспірімдер арасындағы бұқаралық футболды дамытады. Ол үшін Қазақстан футбол федерациясымен біргелікте бірқатар бірлескен жобалар әзірленеді. Атқарушы хатшы Асхат Оралов атап өткендей, бұл іс-шаралар салауатты өмір салтын насихаттауға, бұқаралық футбол мен еріктілер қозғалысын дамытуға бағытталады. Сондай-ақ, жастарды жаппай футболға тарту жұмыстарымен енді «AMANAT» партиясының «Жастар Рухы» жастар қанаты мен футбол федерациясы біргелікте айналысады. Сонымен қатар, ортақ келісім аясында екі тарап біргелікте болашақ спорт менеджерлерін даярлау үшін волонтерлік ұйымдарды дамыту жоспарланып отыр.
Б. Сатуов