Астанада Қайрат Сатыбалдыұлының ісі бойынша сот, ертең басталады. Істі Байқоңыр ауданының №2 соты қарайды. Бұл туралы Астана қаласы сотының баспасөз қызметі мәлім етті. Қайрат Сатыбалдыұлы қызмет бабын асыра пайдалану, "Қазақтелеком" және «Көліктік сервис орталығының» қаражаттарын аса ірі көлемде ұрлау фактілері бойынша күдікке іліккен. Артынша уақытша ұстау изоляторына қамалды. Бұған дейін Сыбайлас жемқорлыққа қарсы қызмет Қайрат Сатыбалдыұлына және басқа да тұлғаларға қатысты қылмыстық істі тергеп жатқанын хабарлаған болатын.
А. Задабек