Кандидат Қасым-Жомарт Тоқаевты қолдау жөніндегі Республикалық қоғамдық штаб өкілдері қауырт жұмысқа кірісті.
Оған 3 парламенттік саяси партиядан және 22 республикалық қоғамдық ұйымнан тұратын Халықтық коалицияның өкілдері кірді. Қазір олар еліміздің барлық өңірінде үгіт-насихат баспа өнімдерін тарату және ақпараттық материалдарды БАҚ пен әлеуметтік желілерге жариялауды бастады. Айта кетейік, ертең Республикалық қоғамдық штабтың алғашқы отырысы өтеді. Сондай-ақ, штаб мүшелері келесі апта да сайлаушылармен кездесу үшін аймақтарға барады.
Дәулет КӘРІБЕК, ҚАСЫМ-ЖОМАРТ ТОҚАЕВТЫ ҚОЛДАУ ЖӨНІНДЕГІ РЕСПУБЛИКАЛЫҚ ШТАБТЫҢ ӨКІЛІ:
Бүгіннен бастап Қазақстан республикасының президенттігіне үміткер Қасым-Жомарт Кемелұлы Тоқаевтың Республикалық қоғамдық штабы өз жұмысын бастады. Сайлау заңына сәйкес біз 18:00-ден бастап, еліміздің барлық аймақтарында 7 мыңнан астам штаб мүшелері, біздің сенімді өкілдеріміз, коалиция мүшелері үгіт-насихат жұмыстарын жүргізіп, осы біздің плакаттарды заңмен белгіленген орындарға ілуді бастады.
Б. Сатуов