Президенттік кандидат Жигули Дайрабаевтың үгіт-насихат жұмыстары Алматы облысында жалғасты. Ол жергілікті халықпен кездесіп, сайлауалды бағдарламасын таныстырды.
Жигули Дайрабаев - "Ауыл" халықтық-демократиялық патриоттық партиясы атынан алдағы саяси науқанда бақ сынайды. Кандидат пен оның партияластары Алматы облысында жүр. Олар қоғамдық көлікке мініп, жолаушылармен әңгімелесті. Бұқара Талғар ауданына қатынайтын автобустың іргедегі Нұра аулына соқпай кететініне шағым айтты. Осыған байланысты жергілікті жұртшылық елді мекенге жету үшін шамамен 4 шақырым жаяу жүруге мәжбүр көрінеді. Саяси бірлестік өкілдері сондай-ақ Нұра аулындағы мектеп пен аурухананың жағдайымен жақын танысты. Жергілікті халықпен кездесті.
Анас БАҚҚОЖАЕВ, "АУЫЛ" ПАРТИЯСЫ ТӨРАҒАСЫНЫҢ ОРЫНБАСАРЫ:
Бүгін біз штабымызбен және кандидатымызбен бірге Алматы облысы маңындағы Нұра ауылына келдік. Бұл ауылдың өзінің ерекше статусы бар. Шалғайдағы елді мекен емес. Мегаполис маңындағы ауыл. Барлық адам өз күшімен жасап жатыр. Балаларға жаны ашып, балабақша ашып отыр.
Р. Бақытжанқызы