Президенттікке кандидат Салтанат Тұрсынбекова үгіт-насихат науқанымен Қостанайда жүр. Ол қаладағы нөмірі төртінші емханаға барды.
Ол аурухана емделушілерімен тілдесті. Науқастардың көкейтесті мәселелерін тыңдады. Сондай-ақ, емхана қызметкерлерімен де жиын өткізіп, сайлауалды бағдарламасын таныстырды. Емханаға 70 мыңға жуық тұрғын тіркелген. Жалпы мекеме 80 мың адамға лайықталған. Ал дәрігерлер күніне мың науқасты қабылдап жатыр.
Салтанат ТҰРСЫНБЕКОВА, ПРЕЗИДЕНТТІККЕ КАНДИДАТ:
Әуежайдан бірден төртінші поликлиникаға келіп отырмыз. Неге десеңіздер бұл жерде ең бірінші халыққа медициналық қызмет көрсету сапасын білгіміз келді. Халықтың қандай мұңы бар, қандай бізге айтар ескертулері бар.
А. Базарбай