Еліміздің 4 өңірінде дауылды ескерту жарияланды. Қызылорда, Солтүстік Қазақстан, Батыс Қазақстан және Жамбыл облыстарында қар жауады. Оңтүстік пен оңтүстік-шығыс та да қар аралас жаңбыр, оңтүстік-шығыста қатты жауын-шашын болады. Тұман түседі, жел күшейіп, солтүстікте бұрқасын соғады. Алматыда да ауа температурасы күрт төмендеді. Қар жауып, соңы жаңбырға ұласты. Синоптиктердің айтуынша, ертең де мегаполисте және облыстың таулы аймақтарында қар аралас жауын-шашын түсіп, көктайғақ болады.
Гүлдана НҰРЫМБЕТОВА, АЛМАТЫ қ. ТЖД РЕСМИ ӨКІЛІ:
Алматы қаласының тұрғындары және қонақтарынан таулы аймақтарға барудан бас тартуды сұраймыз. Және де қатты жауын-шашын кезінде жүргізушілерден мұқият болуды сұраймыз. Өзінің автокөліктерін ағаштың астына, басқа да құрылымдардың астында қалдырмауды сұраймыз.
М. Жақан