Президенттікке кандидат Салтанат Тұрсынбекованың штабы теледебатқа дайындалып жатыр. Осы күнге дейін ол еліміздің 7 өңірін аралап, тұрғындармен кездесу өткізген болатын.
Елдің түкпір-түкпірін аралаған кандидат халыққа сайлауалды бағдарламасын егжей-тегжейлі түсіндірді. Қазір кандидаттың 20 өңірде штабы жұмыс істеп тұр. Ал республикалық штаб елордада орналасқан. Мұндағы 10-ға жуық маман ертең «Хабар» арнасында өтетін пікірсайысқа дайындықты пысықтап жатыр. Өзге кандидаттардың сайлауалды бағдарламасы талқыланып, халық тарапынан жиі қойылатын сұрақтар саралануда.
Назым ЖАНҒАЗЫ, РЕСПУБЛИКАЛЫҚ ШТАБ ЖЕТЕКШІСІ:
Кездесулерде уақыттың 30 пайызы бағдарламаны айту мен түсіндірумен өтеді. Қалған 70 пайызы халықтың проблемаларын тыңдап, олардан кері байланыс алудамыз. Ертең кешкі сағат 20-00 тікелей эфирде Хабар арнасында дебат өтеді. Соған дайындалып жатырмыз. Кеше түнгі 11-ге дейін офиста болдық. Енді қалай өтетінін ертең көресіздер Хабар арнасынан.
А. Базарбай